پاکستان کی کوششیں رنگ لے آئی، موسمیاتی تبدیلی کے لئے فنڈز قائم کرنے پر اتفاق ہوگیا

Cop summit agreement for climate change Photo Jang News 640x480
مصر کے شرم الشیخ میں جاری کوپ 2022 سمٹ میں نقصان کے ازالے کے لئے فنڈز قائم کرنے پر اتفاق کرلیا گیا ہے۔ فوٹو: جنگ نیوز

شرم الشیخ: پاکستان کی موسمیاتی تبدیلی کے لئے کی گئی کوششیں رنگ لے آئی اور مصر کے شہر شرم الشیخ میں جاری اجلاس میں دنیا کے سربراہان موسمیاتی تبدیلی کے نقصانات کے ازالے کے لئے فنڈز قائم کرنے پر اتفاق کرلیا ہے۔
مردان ٹائمز کو مصر کے شرم الشیخ سے ملنے والی تازہ ترین اطلاعات کے مطابق موسمیاتی تبدیلیوں سے متعلق پاکستان کی سفارتی کوششیں رنگ لے آئیں ہیں، اور اس سلسلے میں اقوام متحدہ کے تحت کوپ 27 اجلاس میں ماحولیاتی نقصان کے ازالے کے لیے فنڈ قائم کرنے پر اتفاق ہو گیا۔
اس حوالے سے مزید تفصیلات کے مطابق مصر کے شہر شرم الشیخ میں گزشتہ دو ہفتے سے جاری کانفرنس میں پاکستان سمیت دیگر ترقی پذیر ممالک نے ترقی یافتہ مالدار اور آلودگی پھیلانے والے ممالک سے مطالبہ کیا تھا کہ انہیں موسمیاتی تبدیلی سے پہنچنے والی تباہی کی تلافی کی جائے۔
گزشتہ رات کو مردان ٹائمز کو ملنے والی خبروں کے مطابق مصر کے شہر شرم اشیخ میں دو ہفتوں کے مذاکرات کے بعد مطالبہ منظور کر لیا گیا۔


اس سلسلے میں پاکستان کے وفاقی وزیرِ ماحولیاتی تبدیلی شیری رحمٰن نے بھی اس معاہدے کا خیر مقدم کرتے ہوئے سماجی رابطے کی ویب سائٹ پر ایک پوسٹ میں کہا ہے کہ یہ موسمیاتی انصاف کی جانب پہلا اہم قدم ہے۔ انھوں نے مزید کہا کہ 134 ملکوں کے لیے فنڈ قائم ہونے میں 30 سال کا طویل عرصہ لگا۔

Facebook
Twitter
LinkedIn
Pinterest
WhatsApp

اسی طرح مزید خبریں