اسلام اباد: پاکستان کے وفاقی وزیر مواصلات مولانا اسعد محمود نے اپنے زیر استعمال کابینہ ڈویژن سے ملنے والی بم پروف گاڑی کفایت شعاری کے تحت واپس کردی۔
مردان ٹائمز کے مطابق جمیعت علماء اسلام کے سربراہ مولانا فضل الرحمان کے بیٹے اور پاکستان کے وفاقی وزیر مواصلات نے سب سے پہلے پہل کرتے ہوئے کفایت شعاری مہم کے تحت مجاز 1800 سی سی گاڑی بھی نہ لینے کا فیصلہ کیا ہے۔
وزیراعظم کی کفایت شعاری مہم کےتحت کابینہ ڈویژن سے ملنےوالی سرکاری گاڑی واپس کردی،اپنی ذاتی گاڑی استعمال کروں گا، وزارت کےاخراجات میں بھی کمی لائی جائے گی،اتحادی حکومت مشکل وقت میں قوم کو تنہاء نہیں چھوڑے گی، سادگی اور بچت پالیسی پرعمل شروع کردیاصرف اعلانات پر اکتفاء نہیں کیا
— Maulana Asad Mahmood (@AsadMahmoodJUI) February 24, 2023
اس حوالے سے مولانا اسعد محمود کے ترجمان نے کہا ہے کہ وفاقی وزیربرائے مواصلات مولانا اسعد محمود اپنی ذاتی گاڑی استعمال کریں گے۔
وزیراعظم کی کفایت شعاری مہم کے بعد وفاقی وزیر مواصلات مولانا اسعد محمود کا بڑا فیصلہ
وفاقی وزیر مولانا اسعد محمود نے کابینہ ڈویژن سے ملنے والی بم پروف گاڑی واپس کردی
وفاقی وزیر مولانا اسعد محمود نے کفایت شعاری مہم کے تحت مجاز 1800 سی سی کار بھی نہ لینے کا فیصلہ pic.twitter.com/gZfBkbsoND
— Jamiat Ulama-e-Islam Pakistan (@juipakofficial) February 24, 2023
اس سلسلے میں وفاقی وزیر مولانا اسعد محمود نے کہا ہے کہ حکومت کی کفایت شعاری مہم کے تحت وزارت کے اخراجات میں بھی کمی لائی جائے گی۔
یاد رہے کہ اس سے پہلے اسلام آباد میں ہونے والے ایک حالیہ اجلاس میں وفاقی کابینہ نے کفایت شعاری اقدامات کی منظوری دی تھی۔
