بھارتی حکومت بی جے پی کے جنونیوں کو اسلام کی توہین سے روکے، طالبان ترجمان

Zabihullah Mujahid 640x480
زبیح اللہ مجاہد۔ فوٹو: فائل

کابل: افغانستان میں طالبان کی حکومت نے بھارت کی حکمران جماعت بھارتی جنتا پارٹی (بی جے پی) کی رہنماؤں کی جانب سے نبی پاکﷺ کی شان میں گستاخی کی شدید الفاظ میں مذمت کی ہے اور مطالبہ کیا ہے کہ بھارتی حکومت جنونیوں کو اسلام کی توہین کرنے سے روکے.
مردان ٹائمز کو کابل سے ملنے والی خبروں کے مطابق افغانستان میں طالبان حکومت کے ترجمان اور نائب وزیراطلاعات ذبیح اللہ مجاہد نے اپنے ایک بیان میں کہا ہے کہ افغانستان میں‌طالبان کی حکومت بھارت کی برسراقتدار جماعت بھارتی جنتا پارٹی (بی جے پی) کی رہنما کی جانب سے نبی کریمﷺ کی شان عظیم میں گستاخی کی شدید الفاظ میں مذمت کرتی ہے.
یہ خبر پرھیں: پاکستان کی مسلح افواج کی بھارتی شرپسند حکام کی جانب سے نبی کریمﷺکی شان میں گستاخی کی مذمت
طالبان حکومت کے ترجمان اورنائب وزیراطلاعات ذبیح اللہ مجاہد نے بھارتی حکومت سے پرزور مطالبہ کیا ہے کہ بھارتی حکومت وہاں پر موجود اسلاموفوبیا میں مبتلا اسلام دشمن عناصر اور جنونیوں کو اسلام اور نبی کریمﷺ کی توہین کرنے اور مسلمانوں کے جذبات کو مشتعل کرنے سے روکے اور اس قسم کی سرگرمیوں کی ہرگز اجازت نہ دی جائے.


واضح رہے کہ بھارت میں اس وقت برسراقتدار جماعت بی جے پی کی ترجمان نوپورشرما نے ایک پروگرام میں اسلام اور نبی آخرزمانﷺ کے حوالے سے ہرزہ سرائی کی تھی جس پر ساری مسلم دنیا میں بھارتی حکمران جماعت کی اس اقدام کی شدید الفاظ میں مذمت کی گئی ہے.

Related Posts