مردان: دریائے سوات میں سیلابی صورتحال کے باعث اور لوگوں کو محفوظ مقامات پر متنقل کرنے کے لئے ضلعی انتظامیہ مردان نے بھی ہنگامی حالت کا نفاذ کردیا ہے۔
مردان ٹائمز کے مطابق خیبرپختونخوا کے پراوینشل ڈیزاسٹر منیجمنٹ اتھارٹی (پی ڈی ایم اے) کی طرف سے جاری کئے گئے اعلامیے کی روشنی میں مردان میں ممکنہ سیلاب کے پیش نظرضلع مردان کے ڈپٹی کمشنر حبیب اللہ عارف نے ضلع بھر میں فلڈ ایمرجنسی کے نفاذ کا اعلان کر دیا ہے۔
ڈپٹی کمشنر ضلع مردان کی جانب سے جاری کئے ایک اعلامیے میں کہا گیا ہے کہ ایمرجنسی کے دوران ضلع بھرکے تمام نجی و سرکاری تعلیمی ادارے، ہسپتال، نجی عمارتیں و گاڑیاں ضلعی انتظامیہ کے براہ راست انتظامی کنٹرول میں رہیں گی تاکہ کسی بھی ہنگامی صورتحال میں لوگوں کو علاج معالجے کی بہترسہولیات فراہم کیے جائے اور اس کے ساتھ ساتھ لوگوں کومحفوظ مقامات پر منتقلی کا انتظام کیا جا سکے۔