اسلام آباد: پاکستان تحریک انصاف کے سینئیر رہنما فواد چوہدری نے سوشل میڈیا پر اپنی تازہ ٹویٹ میں حکومت پر سخت تنقید کی ہے اور کہا ہے کہ ’حکومت ہر اجتماع سے خوفزدہ ہے ، وکلا کو روکنے کیلئے رکاوٹیں انتہائی غیر ضروری ہیں۔‘
مردان ٹائمز کے مطابق پی ٹی آئی کے رہنما فواد چوہدری نے سوشل میڈیا پر ایک ٹویٹ میں پی ڈی ایم حکومت کو سخت تنقید کا نشانہ بناتے ہوئے کہا کہ حکومت ہر اجتماع سے خوفزدہ ہے، جبکہ وکلاء کو روکنے کے لئے ہر جگہ رکاوٹیں کھڑی کی گئی ہے۔
سابق وفاقی وزیر نے ٹویٹر پر اپنے پوسٹ میں مزید لکھا ’وکلاء اگر آئین اورسپریم کورٹ سے اظہار یکجہتی کر رہے ہیں اس پر ریاست کو وکلا کا شکر گزار ہونا چاہیئے۔ انھوں نے مزید کہا کہ تو یہاں حکومت ہی آئین سے خوفزدہ ہے اور عدالت کو کام کرنے سے روک رہی ہے۔

حکومت ہر اجتماع سے خوفزدہ ہے ، وکلاء کو روکنے کیلئے رکاوٹیں انتہائ غیر ضروری ہیں وکلاء اگر آئین اورسپریم کورٹ سے اظہار یکجہتی کر رہے ہیں اس پر ریاست کو وکلاء کا شکر گزار ہونا چاہئیے یہاں حکومت ہی آئین سے خوفزدہ ہے اور عدالت کو کام کرنے سے روک رہی ہے #NationStandswithConstitution

— Ch Fawad Hussain (@fawadchaudhry) April 3, 2023

یاد رہے کہ اس سے پہلے اسلام آباد پولیس نے ایک اعلامیہ جاری کیا ہے جس میں کہا گیا ہے کہ سپریم کورٹ میں آج صرف وہی افراد داخل ہوسکیں گے جن کے مقدمات زیرسماعت ہوں گے یا جن کو سپریم کورٹ انتظامیہ کی طرف سے اجازت نامہ جاری ہوگا۔