اسلام آباد: پاکستان کے سپریم کورٹ کے چیف جسٹس عمر عطا بندیال نے اپنے ایک وضاحتی بیان میں کہا ہے کہ میں اپنے عدالت میں آنے والے ہر کسی کو کہتا ہوں کو آپ کو دیکھ کر خوشی محسوس ہوئی۔
مردان ٹائمز کے مطابق سپریم کورٹ کے چیف جسٹس عمرعطا بندیال نے اپنا ایک وضاحتی بیان جاری کیا ہے جس میں انھوں نے کہا ہے کہ میں تو ہر کسی کو اپنے عدالت میں آنے پر کہتا ہوں کہ "گڈ ٹو سی یو”۔
انھوں نے مزید کہا کہ پی ٹی آئی چئیرمین عمران خان کو ایک عدالتی سماعت کے دوران ’گڈ ٹو سی یو‘ کہنے پرمجھے شدید تنقید کا نشانہ بنایا گیا حالانکہ حقیقت اسکے برعکس ہے کہ وہ اپنی عدالت میں آنے والے ہر سائل کو ’آپ کو دیکھ کر خوشی ہوئی‘ کہتے ہیں۔
واضح رہے کہ سپریم کورٹ کے چیف جسٹس نے یہ ریمارکس ایک سول مقدمے کی سماعت کے دوران دیے۔ اس مقدمے کے شروع میں چیف جسٹس نے وکیل اصغر سبزواری کو دیکھ کر کہا کہ ’آپ کو دیکھ کر خوشی ہوئی، کافی وقت بعد آپ میری عدالت میں آئے ہیں۔‘
سپریم کورٹ کے چیف جسٹس عمر عطا بندیال نے مزید وضاحت کی کہ وہ ہر ایک شخص کا احترام کرتے ہیں اور یہ کہ ادب و اخلاق تو سب کے لیے ضروری ہوتا ہے۔
یہ بھی یاد رہے کہ گذشتہ جمعہ کے روز پی ٹی آئی چئیرمین عمران خان کو حراست میں لیے جانے کے خلاف کیس کی سماعت کے دوران سپریم کورٹ کے چیف جسٹس نے عمران خان کو اپنی عدالت میں پیش کرنے کے احکامات جاری کیے تھے، اور اس دوران جب سابق وزیراعظم عمران خان عدالت کے سامنے پیش ہوئے تو چیف جسٹس نے ان سے مکالمہ کرتے ہوئے کہا کہ ’گڈ ٹو سی یو۔‘
چیف جسٹس کی عمران خان کے ساتھ اس غیر ضروری مکالمے پر حریف سیاسی جماعتوں کے رہنماؤں نے چیف جسٹس کو شدید تنقید کا نشانہ بناتے ہوئے کہا تھا کہ عدالت کو یہ زیب نہیں دیتا کہ وہ ایک کرپشن کیس کے ملزم سے اس طرح کی بات کریں۔
