لاہور: پنجاب اسمبلی کے سابق ڈپٹی اسپیکر دوست محمد مزاری نے حالیہ بارشوں اور اس کی وجہ سے سیلاب سے متاثرہ خاندانوں کے لئے ایک کروڑ روپے دینے کا بڑا اعلان کیا ہے۔
مردان ٹائمز کے مطابق پاکستان میں ہونے والے حالیہ شدید بارشوں اور اس کے نتیجے میں آنے والے سیلاب نے چاروں صوبوں کو شدید متاثر کیا ہے۔ اس حوالے سے پاکستانی عوام جو اندرون ملک ہو یا بیرون ملک کی طرف سے چندہ اور عطیات کی شکل میں امداد بھیجی جارہی ہے۔
اس سلسلے میں سابق ڈپٹی اسپیکر پنجاب اسمبلی دوست محمد مزاری نے بھی دل کھول کر سیلاب سے متاثرہ لوگوں کے لئے بڑے امداد کا اعلان کیا ہے۔ انھوں نے ٹویٹر پر ایک پوسٹ شئیر کی جس میں ان کا کہنا تھا کہ ‘میں اپنی طرف سے جنوبی پنجاب کے سیلاب متاثرین کی مدد کےلئے ایک کروڑ روپے نقد امداد کا اعلان کرتا ہوں.’
I hereby announce a cash donation of Rs 10,000,000/- for the flood victims in South Punjab from my side to Al Khidmat Foundation. @AlkhidmatOrg.
— Sardar Dost Muhammad Mazari (@DostMazari1) August 28, 2022
انھوں نے ٹویٹر پوسٹ میں مزید لکھا کہ میں یہ امداد الخدمت فاونڈیشن کے زریعے جنوبی پنجاب کے سیلاب سے متاثرہ افراد کے لئے دیتا ہوں۔
واضح رہے کہ اگست کے مہینے میں پاکستان میں شدید بارشوں کی وجہ سے چاروں صوبوں میں سیلاب آیا ہے اور اس سے بڑے پیمانے پر انسانی اور مالی نقصان ہوا ہے۔
