لاہور: لاہور کے زمان پارک میں کئی دنوں سے موجود کارکنان نے اپنے ہی پارٹی قائدین کے خلاف شدید احتجاج شروع کردیا ہے۔
مردان ٹائمز کے مطابق لاہور کے زمان پارک کے باہر پی ٹی آئی کے کارکنان کی فرسٹریشن سامنے آگئی ہے جس میں وہ اپنے ہی پارٹی قائدین کے خلاف شدید احتجاج کر رہے ہیں۔
سوشل میڈیا کی ویب سائٹ ٹویٹر پرایک ویڈیو وائرل ہے جس میں دیکھا جاسکتا ہے کہ پی ٹی آئی کے ایم پی ایز اور ایم این ایز ایک ایک کرکے زمان پارک سے باہر جارہے ہیں۔ جب پارٹی ورکرز نے ان سے پوچھا کہ آپ کہا جارہے ہیں تو اس پر پاکستان تحریک انصاف کے رہنماوں کا جواب تھا کہ ہم کھانا کھانے جارہے ہیں، کسی نے جواب دیا کہ ضروری کام سے باہر جارہے ہیں اور کسی نے کہا کہ ہم شادی پر جارہے ہیں۔
اس کے جواب میں خیبر پختونخوا سے آئے ہوئے پارٹی کارکنان نے دلچسپ جواب دیا کہ ہم اپنے علاقوں میں جنازے چھوڑ کر آئے ہیں اور آپ لوگ شادیوں میں جارہے ہیں۔

زمان پارک کے باہر پی ٹی آئی کے کارکنان کی فرسٹریشن
یہ VIPs صرف ٹکٹ لینے آتے ہیں اور ہم چار چار دن سے یہاں خُوار ہورہے ہیں۔

(تو آپ نے سمجھا کہ یہاں جانثار بننے سے آپ کو اسمبلی کے ٹکٹ مل جائینگے، نہیں۔۔۔ آپ لوگ صرف ظِلِ شاہ ہیں کپتان کے لئے) pic.twitter.com/AO9bEjlv4v

— Shama Junejo (@ShamaJunejo) March 21, 2023

سوشل میڈیا پر بعض پی ٹی آئی کے کارکنان رو رہے ہیں اور کہتے ہیں کہ "یہ VIPs صرف ٹکٹ لینے آتے ہیں اور ہم چار چار دن سے یہاں خُوار ہورہے ہیں۔”