اسلام آباد: پاکستان کرکٹ بورڈ کے چئیرمین نجم سیٹھی نے ایک بیان میں کہا ہے کہ میں شہباز شریف اور آصف زرداری کے درمیان تنازع کا وجہ نہیں بننا چاہتا اور چیئرمینشپ کے عہدے سے دستبردار ہوتا ہوں۔
مردان ٹائمز کے مطابق پاکستان کرکٹ بورڈ چیئرمین نجم سیٹھی نے سوشل میڈیا پر ایک بیان میں کہا ہے کہ وہ آصف زرداری اور شہباز شریف کے درمیان کسی قسم کے تنازع کی وجہ نہیں بننا چاہتے۔ انھوں نے مزید کہا کہ موجودہ حالات میں پی سی بی چیئرمین کے عہدے کے امیدوار نہیں ہیں۔
سوشل میڈیا کی ویب سائٹ ٹویٹر پر جاری ایک مختصر بیان میں پی سی بی کے چئیرمین نجم سیٹھی نے کہا کہ ’ایسا عدم استحکام اور غیر یقینی پی سی بی کے لیے اچھی نہیں ہے۔‘
یہ خبربھی پڑھیں: وزیراعظم کی جانب سے نجم سیٹھی کو پی سی بی چیئرمین بنانے کی منظوری
Salaam everyone! I don’t want to be a bone of contention between Asif Zardari and Shehbaz Sharif. Such instability and uncertainty is not good for PCB. Under the circumstances I am not a candidate for Chairmanship of PCB. Good luck to all stakeholders.
— Najam Sethi (@najamsethi) June 19, 2023
آخر میں انھوں نے مزید لکھا کہ ’تمام سٹیک ہولڈرز کو گڈ لک‘ لیکن ’موجودہ حالات میں چیئرمین شپ کا امیدوار نہیں ہوں۔‘
