ضلع نوشہر کے عوام کے لئے بڑی خبر، دریائے سندھ میں پانی کی سطح کم ہونا شروع

Nowshera Flood Images Photo File 640x480
واپڈا حکام سے کامیاب مذاکرات کے بعد ڈیموں سے پانی کے اخراج میں کمی کردی گئی جس سے پانی کی سطح کم ہونا شروع ہوگیا ہے۔ فوٹو: فائل

نوشہرہ: ڈپٹی کمشنر ضلع نوشہرہ میر رضاء، کمشنر پشاور اور چیف سیکریٹری خیبرپختونخوا شہزاد اکبر کی واپڈا حکام سے کامیاب مذاکرات کے بعد ورسک ڈیم اور تربیلا ڈیم سے پانی کے اخراج میں کمی کردی گئی ہے۔
مردان ٹائمز کو ضلع نوشہرہ سے ملنے والی تازہ ترین اطلاعات کے مطابق ضلع نوشہرہ کے رہائشیوں کے لئے ایک بڑی اور اچھی خبر آگئی ہے۔ واپڈا حکام تربیلا ڈیم اور ورسک ڈیم میں پانی کی اخراج میں کمی پر رضامند ہوگئے ہیں اور پانی کے اخراج میں کمی بھی کردی ہے جس سے دریائے سندھ میں خیرآباد کے مقام پر پانی کی سطح کم ہونا شروع ہوگیا ہے۔
اس حوالے سے مزید تفصیلات کے مطابق چیف سیکرٹری خیبرپختونخواہ جناب شہزاد خان بنگش، ڈپٹی کمشنر ضلع نوشہرہ میر رضاء اورکمشنر پشاور ڈویژن ریاض خان محسود کی واپڈا حکام سے کامیاب بات چیت ہوگئے ہیں جس کے بعد دونوں ڈیمز سے پانی کی اخراج میں کمی کی ثمرات آنا شروع ہوگئے ہیں۔ دونوں بڑے ڈیموں میں پانی کے اخراج میں کمی کے بعد دریاٸے سندھ میں خیرآباد کے مقام پر پانی کی سطح کم ہونا شروع ہوگئی ہے۔


ضلعی انتظامیہ ضلع نوشہرہ کے مطابق واپڈا حکام سے کامیاب مذاکرات کے بعد واپڈا نے دونوں ڈیموں کے اخراج میں کمی کردی ہے جس سے تربیلا ڈیم سے پانی کی اخراج کم ہونے کے بعد دریاٸے سندھ میں خیرآباد کے مقام پر پانی کی سطح کم ہونا شروع گئی ہے۔


ضلعی انتظامیہ نوشہرہ اور ایریگیشن حکام کا کہنا ہے کہ دریاٸے سندھ میں پانی کی سطح کم ہونے کی وجہ سے دریاٸے کابل سے دریاٸے سندھ میں پانی کی ڈسچارج باآسانی ہوجاٸیگا۔ متعلقہ حکام کے مطابق دریائے سندھ میں پانی کی کمی کی وجہ سے دریاٸے کابل میں پانی کی سطح اگلے دوگھنٹوں میں کم ہونا شروع ہوجاٸیگا۔

Related Posts