اسلام آباد: پاکستان کے وزیرِ داخلہ رانا ثناء اللّٰہ نے ایک بیان میں کہا ہے کہ صدرعارف علوی ’آ بیل مجھے مار‘ والے کام نہ کریں۔
مردان ٹائمز کے مطابق پاکستان کے وزیرداخلہ رانا ثنااللہ نے سماجی رابطے کی ویب سائٹ ٹوئٹر پرایک پوسٹ شئیر کی ہے جس میں انھوں نے کہا ہے کہ پاکستان کے صدر آئین کی حد میں رہیں، صدر کے دفتر کو بلیک میلنگ کا اڈہ نہ بنائیں، الیکشن کی تاریخ دینے سے صدر کا کوئی لینا دینا نہیں۔
وزیرداخلہ رانا ثناء اللّٰہ نے ٹویٹر پر جاری کردہ بیان میں مزید کہا ہے کہ عارف علوی الیکشن کی تاریخ کے معاملے میں خوامخواہ ٹانگ نہ اڑائیں، وہ الیکشن کمیشن کو غیرقانونی اور غیرآئینی احکامات پر مجبور نہیں کر سکتے۔
صدر علوی ”آ بیل مجھے مار“ والے کام نہ کریں، آئین کی حد میں رہیں، صدر کے دفتر کو بلیک میلنگ کا اڈہ نہ بنائیں؛ الیکشن کی تاریخ دینے سے صدر کا کوئی لینا دینا نہیں، عارف علوی خوامخواہ ٹانگ نہ اڑائیں، صدر الیکشن کمشن کو غیرقانونی اور غیر آئینی احکامات پر مجبور نہیں کر سکتا۔
— Rana SanaUllah Khan (@RanaSanaullahPK) February 20, 2023
وزیرِ داخلہ رانا ثنااللہ نے ٹویٹرصدر مملکت عارف علوی کو جھاڑ پلاتے ہوئے مزید کہا کہ الیکشن کمیشن آپ کا غلام نہیں کہ جو آپ کہیں وہ مانے، عمران خان نے معیشت، خارجہ تعلقات اور قومی مفادات کو نقصان پہنچایا ہے۔
رانا ثنااللہ نے مزید کہا کہ پی ٹی آئی چئیرمین عمران خان اب ریاستی سربراہ کے منصب کو سازش کے لیے استعمال کر رہے ہیں۔