لاہور: پنجاب میں ضمنی انتحابات میں شکست پر پاکستان مسلم لیگ ن کی نائب صدر مریم نواز نے کہا ہے کہ مسلم لیگ ن کو کھلے دل سے ان نتائج تسلیم کرنا چاہئیں۔
مردان ٹائمز کے مطابق پاکستان مسلم لیگ (ن) کی رہنما اور نائب صدر مریم نواز نے سوشل میڈیا کی مقبول ویب سائٹ ٹویٹر پر ایک پوسٹ شئیر کی جس میں انھوں نے کہا ہے کہ پنجاب میں ہونے والے حالیہ ضمنی انتخاب کے بعد تحریک انصاف کی واضح برتری کے حوالے سے ٹویٹ کی اور کہا کہا کہ عوام کے فیصلے کے سامنے سر جھکانا چاہیے۔ انھوں نے مزید کہا کہ سیاست میں ہار جیت ہوتی رہتی ہے۔
مریم نواز نے ٹویٹر پوسٹ میں مزید کہا کہ مسلم لیگ (ن) کو اپنا دل بڑا کرنا چاہیے،جہاں جہاں کمزوریاں ہیں دور کرنے کے لیے محنت کرنی چاہیے، انشاء اللّہ خیر ہو گی۔
مسلم لیگ ن کو کھلے دل سے نتائج تسلیم کرنا چاہییں۔ عوام کے فیصلے کے سامنے سر جھکانا چاہیے۔ سیاست میں ہار جیت ہوتی رہتی ہے۔ دل بڑا کرنا چاہیے۔ جہاں جہاں کمزوریاں ہیں، ان کی نشاندہی کر کے انھیں دور کرنے کے لیے محنت کرنی چاہیے۔ انشاءاللّہ خیر ہو گی۔
— Maryam Nawaz Sharif (@MaryamNSharif) July 17, 2022
واضح رہے کہ پی ٹی آئی کو پنجاب کے ضمنی انتحابات میں کئی نشتوں پر واضح برتری حاصل ہوچکی ہے، اور پاکستان مسلم لیگ (ن) کو کئی نشتوں پر شکست کا سامنا کرنا پڑا ہے۔
