اسلام آباد: پاکستان تحریک انصاف کے رہنما تحریک انصاف فواد چوہدری نے خبر دار کیا ہے کہ اگر لمبی مدت کی ٹیکنوکریٹ لہ نگراں حکومت لائی گئی تو بدترین غلطی ہو گی۔
مردان ٹائمز کے مطابق پی ٹی آئی رہنما فواد چوہدری نے سماجی رابطے کی ویب سائٹ ٹوئٹر پراپنے پیغام میں کہا ہے کہ ’جو حکومت بلدیاتی الیکشن نہیں کرا سکتی وہ عام انتخابات کہاں کروائے گی؟
انھوں نے ٹویٹر پر شئیر کئے گئے پوسٹ میں مزید کہا کہ ’لیکن ملک کے حالات کے پیش نظر انتخابات کروانے پڑیں گے۔ ہم واضح ہیں کہ لمبی مدت کی نگراں حکومت لانا بدترین غلطی ہو گی۔ انتخابات مسئلہ کا واحد حل ہیں۔‘
پاکستان تحریک انصاف کے رہنما فواد چوہدری نے مزید کہا کہ ’ٹیکنوکریٹک حکومت کی صورت میں فیصلوں کا ملبہ اسٹیبلشمنٹ پر گرے گا‘.
جو حکومت بلدیاتی الیکشن نہیں کرا سکتی وہ عام انتخابات کہاں کروائے گی؟ لیکن ملک کے حالات کے پیش نظر انتخابات کروانےپڑیں گے، ہم واضع ہیں کہ لمبی مدت کی نگران حکومت لانا بدترین غلطی ہو گی انتخابات مسئلہ کا واحد حل ہیں ،
— Ch Fawad Hussain (@fawadchaudhry) December 29, 2022
فواد چوہدری کے علاوہ تحریک انصاف کے ایک اور رہنما اور پی ٹی آئی کے ترجمان حسان خاور نے بھی اسی طرح کا بیان دیا ہے جس میں ان کا کہنا تھا کہ ’ٹیکنوکریٹک حکومت ایک سنگین غلطی ہو گی۔
انھوں نے اپنے بیان میں مزید کہا کہ ’معیشت کی بحالی کے لیے سخت فیصلوں کی ضرورت ہے جن کی سیاسی قیمت صرف عوام کا اعتماد رکھنے والی ایک آئینی اور منتخب حکومت ہی برداشت کر سکتی ہے۔
پی ٹی آئی رہنما نے اپنے بیان میں اس حوالے سے مزید کہا کہ ’ٹیکنوکریٹک حکومت کی صورت میں ان فیصلوں کا ملبہ اسٹیبلشمنٹ پر گرے گا۔‘
