اسلام آباد: پی ٹی آئی کے سینئیر رہنما فواد چوہدری نے مسلم لیگ (ن) کی سنیئر نائب صدر مریم نواز کے آپریشن کے حوالے سے ان کے لیے دعا اور نیک تمناؤں کا اظہار کیا ہے۔
مردان ٹائمز کے مطابق پاکستان تحریک انصاف کے سینئیر رہنما فواد چوہدری نے سماجی رابطے کی ویب سائٹ ٹوئٹر پر مریم نواز کی حالیہ آپریشن کے حوالے سے ایک پوسٹ شئیر کی جس میں انھوں نے مریم نواز کے لیے نیک تمناؤں کا اظہار کرتے ہوئے کہا ہے کہ جلدی سےٹھیک ہو جائیں۔
اس سے قبل گزشتہ روز ہی مریم نواز کا جوکہ اس وقت پاکستان مسلم لیگ (ن) کی سینئر نائب صدر بھی ہے، کا جینیوا میں آپریشن ہوا تھا۔ اس حوالے سے پاکستان مسلم لیگ (ن) کی سینئیر رہنما اور وفاقی وزیراطلاعات مریم اورنگزیب نے سماجی رابطے کی ویب سائٹ ٹوئٹرپرایک بیان جاری کیا تھا جس میں ان کا کہنا تھا کہ مریم نواز شریف جینیوا میں گلے کےآپریشن کے بعد خیریت سے ہیں،ان کا آپریشن 3 گھنٹے جاری رہا۔
Get well soon… best wishes @MaryamNSharif https://t.co/I7nkE6orhC
— Ch Fawad Hussain (@fawadchaudhry) January 6, 2023
وفاقی وزیراطلاعات مریم اورنگزیب نے سماجی رابطے کی ویب سایٹ پر مزید لکھا کہ مریم نواز نے دعا اور نیک تمناؤں کے پیغامات بھیجنے والے عوام اور کارکنان کا شکریہ ادا کیاہے۔ دوسری طرف ان کے خاندانی زرائع نے اطلاع دی ہے کہ مریم نواز کو آپریشن کے بعد ان کے کمرے میں شفٹ کردیا گیا ہے۔
