کراچی: پاکستان پیپلز پارٹی کی سینئیر رہنما اور وفاقی وزیرماحولیات شیری رحمٰن نے پی ٹی آئی کی جیل بھرو تحریک پر طنز کرتے ہوئے کہا ہے کہ صرف تین دن جیل بھرو تحریک ’ضمانت دو تحریک‘ میں تبدیل ہو چکی ہے۔
مردان ٹائمز کے مطابق وفاقی وزیر ماحولیات شیری رحمان نے سماجی رابطے کی ویب سائٹ ٹوئٹر پرایک بیان جاری کیا ہے جس میں انھوں نے کہا کہ عمران خان کی جیل بھرو تحریک سوشل میڈیا اور بیانات تک ہی محدود ہے۔
عمران خان کی جیل بھرو تحریک سوشل میڈیا اور بیانات تک ہی محدود ہے، دعوہ کیا گیا تھا ہر شہر سے 2 سو افراد گرفتاری دینگے لیکن تین دن گزرنے کے باوجود پورے ملک سے 2 سو افراد نے بھی گرفتاری نہیں دی۔ صرف تین دن میں ہی مزحکہ خیز جیل بھرو تحریک "ضمانت دو تحریک" میں تبدیل ہو چکی ہے۔ 1/3
— SenatorSherryRehman (@sherryrehman) February 25, 2023
ٹویٹر پوسٹ پر انہوں نے مزید کہا کہ پی ٹی آئی کی جانب سے ہر شہر سے 200 افراد گرفتاری دینے کا دعویٰ کیا گیا، لیکن تین دن گزرنے باوجود بھی ملک سے 200 افراد نے بھی گرفتاری نہیں دی۔
شیری رحمان نے طنزکرتے ہوئے کہا کہ پی ٹی آئی رہنما اور کارکن فوٹو سیشن اور عمران خان کی خوشنودی کے لیے گرفتاری دینے والے ضمانتوں کی درخواستیں دے رہے ہیں۔
خیبرپختونخوا کے بارے میں وفاقی وزیرشیری رحمان نے کہا کہ خیبرپختونخوا میں پی ٹی آئی کا ایک بھی شخص نے گرفتاری نہیں دی، انھوں مزید کہا کہ خیبرپختونخوا کے لوگوں نے گرفتاری نہ دے کر پی ٹی آئی چئیرمین عمران خان کی ذاتی سیاست کو مکمل طور پر مسترد کر دیا ہے۔
فوٹو سیشن اور عمران خان کی خوشنودی کیلئے جن گنے چنے پی ٹی آئی رہنمائوں نے گرفتاری دی وہ اب ضمانت کی درخواستیں دے رہے۔ خیبر پختون خواہ میں ایک بھی شخص نے گرفتاری نہیں دی۔ خیبر پختون خواہ کے لوگوں نے گرفتاری نا دیکر عمران خان کی ذاتی سیاست کو مکمل طور پر مسترد کردیا ہے۔ 2/3
— SenatorSherryRehman (@sherryrehman) February 25, 2023
وفاقی وزیرشیری رحمان نے ٹویٹر پرمزید لکھا کہ پی ٹی آئی چئیرمین عمران خان من گھڑت اور جھوٹے بیانیے بنا کر لوگوں کو اپنے سیاسی مقاصد حاصل کرنے کے لیے استعمال نہیں کر سکتے، لوگ باشعور ہیں، وہ آپ کے بیانیوں اور یوٹرن سے تنگ آ چکے ہیں۔
سماجی رابطے کی ویب سایٹ پر ان کا مزید کہنا تھا کہ لوگوں کا آپ پر عدم اعتماد اس بات کی نشاندہی کرتا ہے وہ انتشار اور بےامنی نہیں بلکہ سیاسی استحکام چاہتے ہیں۔
