لاہور: پاکستان کے سابق وزیراعظم اور چیئرمین تحریک انصاف عمران خان نے لاہور میں ضلعی انتظامیہ کی جانب سے دفعہ 144 کے نفاذ پر شدید تنقید کی ہے اور کہا ہے کہ یہ صرف پی ٹی آئی کی انتخابی مہم کو ناکام بنانے کے لئے کیا گیا ہے۔
مردان ٹائمز کے مطابق پی ٹی آئی کے چئیرمین عمران خان نے لاہور میں پاکستان تحریک انصاف کی انتخابی ریلی کے ملتوی ہونے کے اعلان کے بعد پنجاب کی نگران حکومت پر کڑی تنقید کرتے ہوئے سوشل میڈیا کی ویب سائٹ ٹویٹر پر ایک پوسٹ میں لکھا،
It seems again Sec 144 has been imposed illegally solely on PTI election campaign as all other public activities are ongoing in Lahore. Only Zaman Park has been surrounded by containers & heavy police contingent. Clearly, like 8 March, Punjab CM & police want to provoke clashes
— Imran Khan (@ImranKhanPTI) March 12, 2023
عمران خان کے مطابق ’ایسا لگتا ہے کہ دفعہ 144 غیر قانونی طور پر صرف اور صرف پی ٹی آئی کی انتخابی مہم پر لگائی گئی ہے کیونکہ لاہور میں دیگر تمام عوامی سرگرمیاں جاری ہیں۔‘
اس حوالے سے ان کا مزید کہنا تھا کہ ’پولیس کی بھاری نفری اور کنٹینرز نے صرف زمان پارک کو گھیرا ہوا ہے۔ اس سے واضح ہے کہ 8 مارچ کی طرح پنجاب کے وزیراعلیٰ اور پولیس تصادم کو ہوا دینا چاہتے ہیں۔‘
